Visite zu Lalleng beim CNFPC

 Eis 5èmen waren de 26. Oktober an den CNFPC zu Lalleng. Mat groussem Interesse si mir duerch di verschidden Atelier’e gaangen a kruten Informatiounen iwwert divers Beruffer an Ausbildungen. D’Schüler hu vill Froe konnte stellen a ganz zum Schluss ass et dunn zur Belounung e prakteschen Atelier gi wou si hiren “know-how” beweise konnten. Si kruten d’Geleeënheet ze molen, ze zeechnen, Holz ze fällen an esou guer d’Pneu’e vun engem Auto ze wiesselen. Si waren all begeeschtert!