Eramus+ Woch 🇩🇪

D’Woch vum 26. November bis den 2. Dezember war eisen Erasmus+ Projet mat der Partnerschoul “Carl Benz Schule Koblenz”.  D’Zil vum Projet war et een Intelligenten Auto mat Hëllef Kënstlecher Intelligenz zesummebauen. An dëser Race Challenge geet et drëm de séiersten an originellsten Auto um Track ze sinn.

No enger klenger Introduktioun iwwert KI a Machine Learning, an der Erklärung zu dem Material, dat fir de Projet gebraucht gëtt (Husky Lens, ESP8266 Motordriweren) ass et lass gaangen. An den internationalen Teams hunn d’Schüler sech an d’Matière era geschafft, a sech mat de Baudeeler familiariséiert an éischt Assemblagen gemaach.

Schonn um 2. Dag hunn d’Schüler ugefaange mam 3D-Drécker hire Chassis ze drécken an hir éischt Prototyppe fuere schonn iwwer d’Teststreck an duerno och op der Kartstreck.

Nieft flotten Excursioune, wéi en Tour iwwer de Christmas Market zu Koblenz, eng Visitt vum Nürnburgring a vum Ringwerksmuseum, hunn d’Schüler och en Tour mam Schëff iwwer de Rhäin ënnerholl, wou si vill iwwer d’Geschicht vun der Festung geléiert hunn.

De leschten Owend war jiddereen zesumme mat dem Funiculaire erof op Koblenz fir de Closing Dinner.

Um Enn war de séiersten Auto mat enger Rekordzäit vun 32 Sekonnen iwwer de Parcours gerannt! All Grupp huet hire Projet an enger Präsentatioun viru ronn 40 Leit virgestallt.

Mir gratuléieren de Schüler fir hier besonnesch gutt Leeschtung am Opbau a Programméierung vun hirem Auto, awer besonnesch och fir hier Teamfäegkeet an Hëllefsbereetschaft!  Duerch den Erasmus+ Projet hunn d’Schüler konnten technesch, sozial, kulturell a sproochlech Kompetenze gewannen an de Projet war een absolutten Erfolleg!