Eramus+ Woch đ©đȘ
![](https://lpem.lu/wp-content/uploads/2023/12/Bild-20231126-102709-a2179488-990x500.jpeg)
DâWoch vum 26. November bis den 2. Dezember war eisen Erasmus+ Projet mat der Partnerschoul “Carl Benz Schule Koblenz”. DâZil vum Projet war et een Intelligenten Auto mat HĂ«llef KĂ«nstlecher Intelligenz zesummebauen. An dĂ«ser Race Challenge geet et drĂ«m de sĂ©iersten an originellsten Auto um Track ze sinn.
No enger klenger Introduktioun iwwert KI a Machine Learning, an der ErklĂ€rung zu dem Material, dat fir de Projet gebraucht gĂ«tt (Husky Lens, ESP8266 Motordriweren) ass et lass gaangen. An den internationalen Teams hunn dâSchĂŒler sech an dâMatiĂšre era geschafft, a sech mat de Baudeeler familiarisĂ©iert an Ă©ischt Assemblagen gemaach.
![](https://lpem.lu/wp-content/uploads/2023/12/MicrosoftTeams-image-7-copy-1024x768.jpg)
Schonn um 2. Dag hunn d’SchĂŒler ugefaange mam 3D-DrĂ©cker hire Chassis ze drĂ©cken an hir Ă©ischt Prototyppe fuere schonn iwwer d’Teststreck an duerno och op der Kartstreck.
Nieft flotten Excursioune, wĂ©i en Tour iwwer de Christmas Market zu Koblenz, eng Visitt vum NĂŒrnburgring a vum Ringwerksmuseum, hunn dâSchĂŒler och en Tour mam SchĂ«ff iwwer de RhĂ€in Ă«nnerholl, wou si vill iwwer dâGeschicht vun der Festung gelĂ©iert hunn.
![](https://lpem.lu/wp-content/uploads/2023/12/MicrosoftTeams-image-16-1024x768.jpg)
![](https://lpem.lu/wp-content/uploads/2023/12/Bild-20231126-102002-a5528cba-768x1024.jpeg)
![](https://lpem.lu/wp-content/uploads/2023/12/1-1024x1024.png)
![](https://lpem.lu/wp-content/uploads/2023/12/20231126_122051-1024x768.jpg)
![](https://lpem.lu/wp-content/uploads/2023/12/Bild-20231126-102709-a2179488-1024x768.jpeg)
De leschten Owend war jiddereen zesumme mat dem Funiculaire erof op Koblenz fir de Closing Dinner.
![](https://lpem.lu/wp-content/uploads/2023/12/IMG_5434-768x1024.jpg)
![](https://lpem.lu/wp-content/uploads/2023/12/Ausgewahltes-Foto-2-768x1024.jpeg)
Um Enn war de séiersten Auto mat enger RekordzÀit vun 32 Sekonnen iwwer de Parcours gerannt! All Grupp huet hire Projet an enger PrÀsentatioun viru ronn 40 Leit virgestallt.
![](https://lpem.lu/wp-content/uploads/2023/12/20231201_131855-1024x768.jpg)
Mir gratulĂ©ieren de SchĂŒler fir hier besonnesch gutt Leeschtung am Opbau a ProgrammĂ©ierung vun hirem Auto, awer besonnesch och fir hier TeamfĂ€egkeet an HĂ«llefsbereetschaft! Duerch den Erasmus+ Projet hunn dâSchĂŒler konnten technesch, sozial, kulturell a sproochlech Kompetenze gewannen an de Projet war een absolutten Erfolleg!
![](https://lpem.lu/wp-content/uploads/2023/12/20231201_132202-1024x768.jpg)
![](https://lpem.lu/wp-content/uploads/2023/12/20231201_132211-1024x768.jpg)
![](https://lpem.lu/wp-content/uploads/2023/12/20231201_132214-1024x768.jpg)
![](https://lpem.lu/wp-content/uploads/2023/12/20231201_141334-1024x768.jpg)