Fairtrade goes Déifferdeng! 🌍🍫

Am Kader vun de Fairtrade-Wochen hunn e puer motivéiert Schüler net einfach nëmme geschwat, mee ugepaakt! Viru ronn fënnef Méint huet de Fairtradekommitee nämlech decidéiert:

Mir bauen eise ganz eegene Fairtrade-Stand!

De Plang: E flotte klenge Verkafsstand, mat deem mir d’Leit an der Schoul op fair gehandelt Produkter opmierksam maachen – a se direkt och ubidde kënnen.

De Stand selwer? E richtegen Eyecatcher! Entworf a gebaut vun dräi Schüler aus dem Kommitee – dem Michel Klein, dem Gilles an dem Jacques Theisen – a mat vill Häerzblutt. Fir d’éischte Kéier ass en de 21. Mee um Site zu Déifferdeng opgestallt ginn… an huet direkt vill Opmierksamkeet op sech gezunn. D’Leit hu gestoppt, gekuckt – an och kaaft!

E risege Merci un:

• déi dräi Schüler fir hir krass Aarbecht
• de Schräineratelier, deen se top ënnerstëtzt huet
• an de Service Technique, deen de Stand op Déifferdeng bruecht an opgeriicht huet

An dat Bescht: Dëse stylishe Stand wäert och an Zukunft reegelméisseg am Asaz sinn!